RTPA N'ASTURIANU

La TPA vuelve a emitir a partir del llunes el programa diariu n'asturianu "Al Aldu"

2009-01-18T15:09:00.002Z

17/01/2009

d'asturnews.com

Los cambios na programación que vivió nestes selmanes la televisión pública d'Asturies caltuvo dos selmanes de programación ensin l'únicu programa diariu n'asturianu d'esta canal, "Al Aldu". Esti llunes, a les 9:30 hores, según la programación qu'asoleya na so web la TPA, va entamar a emitise otra vuelta esti programa que ta cerca yá de cumplir dos años n'antena.

"Al Aldu" ye un programa de la productora asturiana "Saltadera" qu’acuta los llunes pal humor con ‘La risión’, un espaciu coordináu por Lluis Antón González y onde apaecen dalgunos de los meyores monologuistes del país. Los martes Carlos Suari ta al frente de la estaya deportiva ‘A galmiaes’, que percorre l’actualidá de los deportes n’Asturies. Milio’l del Nido lleva a los espectadores les sos ‘Recetes con cuentu’ los miércoles, mientres que los xueves ye Inaciu Galán l’encargáu d’acercanos l’actualidá internacional más entretenida con ‘Xente de casa’. ‘Al aldu’ termina la selmana los vienres con Mercedes Menéndez y la so ‘Axenda d’Asturies’, con actividaes pa la fin de selmana.

El programa pue vese de llunes a vienres a vienres a les 9:30 hores y en delles repeticiones a lo llargo de cada xornada y les fines de selmana.

Avance de Nós, pa esti sábadu que vien, 15 de payares de 2008

2008-11-11T23:18:00.000Z

Bones noticies na TPA!!!!!!!!

2008-10-29T00:03:00.000Z

27/10/2008La TPA entama a cumplir col usu de la toponimia oficial d’Asturies

Redacción

Una captura de la web de la RTPADempués de numberoses protestes dende’l ñacimientu de la RTPA, paez que la televisión pública asturiana entama a cumplir colos espedientes toponímicos aprobaos pol Gobiernu d’Asturies nos años últimos. Asina, esta selmana pudo vese como la TPA recitificaba y entamaba a usar el topónimu Torazu y non el castellanizáu “Torazo” pal ganador del Premiu Príncipe d’Asturies al Pueblu Exemplar.
Les novedaes llegaron tamién a “TPA Noticias”, qu’anque oralmente sigue usando los topónimos en castellán, usa nos rótulos la toponimia billingüe o n’asturianu namás, nel casu de los topónimos que la tienen oficializada de cualesquier de les dos formes. D’esta forma pudieron veses a lo llargo d’esta fin de selmana rótulos coles formes “Gijón/Xixón” ó “Langreo/Llangréu”.
Dellos d’estos cambios pudieron vese tamién na páxina web de la RTPA.

D'ASTURNEWS.COM

Vuelven les emisiones del programa NÓS, de Próspero Morán

2008-10-29T00:02:00.001Z

28/10/2008Ibias y el gallego-asturiano protagonicen la vuelta de "Nós" esti sábadu a la programación de la TPA

d'asturnews.com
El programa "Nós" de la TPA estrena segunda temporada esti sábadu 1 de Payares cola programación d'un espaciu nel que se va percorrer Santantolín, la capital del Conceyu Ibias, cola participación de dellos falantes de gallego-asturiano. ‘Nós’ ye un microespaciu de TPA producíu en collaboración con Zebrastur y dirixíu pol periodista asturiano, y direutor d'Asturnews, Próspero Morán.
‘Nós’ va emitise en multidifusión a lo llargo la selmana y emitiráse los sábados a les 12.15 hores.

Falo y Lalo II y III

2008-10-18T11:13:00.000+01:00

.................

Falín y Falo: nueva estaya de Terapia de Grupo

2008-10-18T11:12:00.001+01:00

Xuanín Amieva: nueva estaya de Terapia de grupo

2008-10-18T11:11:00.000+01:00

La Xunta pola Defensa de la Llingua acusa a la RTPA d'incumplir los decretos de toponimia aprobaos pol Principáu

2008-10-18T11:09:00.000+01:00

d'asturies.com

18/10/2008 La Xunta pola Defensa de la Llingua Asturiana denunció güei públicamente "l'incumplimientu sistemáticu que la Radiotelevisión del Principáu d'Asturies (RTPA) fai de los decretos de toponimia oficial cuando, como ente públicu que ye, tenía que ser un mediu fundamental pa llevar a la práutica tolos alcuerdos y normatives aprobaes pol Gobiernu asturianu". "Ye vergoñoso", señala la organización, "ver cómo, depués de que 32 conceyos tengan la so toponimia oficializada y publicada nel BOPA, l'ente públicu de comunicación nun faiga casu d'ello y siga usando topónimos que yá nun tienen validez llegal", añadió.

Al traviés d'un comunicáu, la Xunta recuerda lo qu'afiten los decretos de toponimia aprobaos pol Conseyu de Gobiernu: "el so usu ye d'obligáu cumplimientu per parte de l'alministración pública". "Nun hai más vueltes que-y dar. Tanto la RTPA como'l Gobiernu asturianu tán actuando illegalmente no tocante a la toponimia oficializada", añadió la nota.

Refierse asina a aquellos casos d'usu nel ente públicu de topónimos que yá nun tienen validez llegal y que nos nuevos decretos quedaron sustituyíos pol términu tradicional, reconocíu agora como oficial. Ye'l casu de Torazu, llugar galardonáu col premiu al Pueblu Exemplar d'esti añu. La forma 'Torazo' yá nun ta reconocida dende la entrada en vixencia del decretu de toponimia del conceyu de Cabranes.

Según la Xunta, "Asturies ye la única comunidá con llingua propia onde los medios de comunicación públicos nun emiten nel so idioma, con tolo qu'ello podía valir pa normalizar una llingua que ta a puntu de desapaecer si nun se tomen midíes urxentes y bien planificaes". "Ta claro que los intereses del Gobiernu asturianu van per otru llau: el de marxinar la llingua asturiana", añadió.

El casu de la toponimia, pa esti colectivu ye un "bon exemplu: apruébense los decretos pa dempués nun los cumplir". "La radio y la televisión que paguen tolos asturianos y asturianes tien que respetar la llei y usar les formes toponímiques que son oficiales en tola so programación, tanto nel so usu oral como escritu", acaba'l testu.

Al Aldu: A galmiaes (29 de xunetu de 2008) con Carlos Suari

2008-07-31T14:59:00.000+01:00

Al Aldu: Xente de Casa (31 de xunetu de 2008), con Inaciu Galán

2008-07-31T14:58:00.000+01:00

fonte: alborecer

Al Aldu: A galmiaes. con Inaciu Galán

2008-07-12T02:31:00.002+01:00

Inaciu Galán sutitúi a Carlos Suaria al frente d'Al aldu:A galmiaes.

Pieces: Actuación d'Spanta la Xente 8/04/2008

2008-05-30T00:51:00.001+01:00

Actuación en direuto del grupu Spanta la Xente en "Pieces", faciendo'l cantar "El mio pueblu".

"Pieces" ye un programa selmanal cultural de TPA (Televisión del Principáu d'Asturies).

Vidiu emitíu'l 8 de Marzu de 2008. Cortesía d'Alborecer.

Al aldu: La Risión> Lluis Antón González interpreta "Ún de coches"

2008-05-19T00:52:00.001+01:00

Lluis Antón González fala de conducir nesti monólogu escritu por Inaciu Galán y Isaac de l'Arada.

"Pieces" ye un programa cultural selmanal de la Televisión del Principáu d'Asturies.

Fonte: Alborecer

Ana Vanesa Gutiérrez va presentar la nueva etapa de “Pieces” na TPA

2008-05-19T00:47:00.001+01:00

13/05/2008

Redacción. (d'asturnews.com)

Ana Vanessa GutiérrezEl programa “Pieces” producíu por Ediciones Ámbitu y emitíu na TPA los sábados pela mañana va convertise nun magacine nes próximes selmanes y va facelo, según pudo saber la redacción d’Asturnews, de mano de la escritora Ana Vanessa Gutiérrez y con una estética renovada.
El programa ta formáu poles seiciones: -‘Voces’: Retratu d’un intérprete de la canción asturiana o tonada nel que se repasa la so trayectoria musical mentes s’escucha una de les canciones más representatives del so repertoriu. -‘Muséu’. Sección na que personalidaes del mundu cultural asturianu seleccionen el so cuadru preferíu de la colección del Muséu de Belles Artes d’Asturies. -‘Al son’: Un grupu o músicu asturianu interpreta en directo y en versión acústica una canción del so últimu trabayu discográficu. Nesta sección represéntense tolos estilos que se practiquen anguaño nel país: folk, tonada, rock, pop, gaita o jazz, ente otros. -‘En tables’: El programa va emitir nesti apartáu la grabación d’una pequeña escena de los montaxes que tán preparando les compañíes teatrales del país. -‘Periferia’: Figures de la escena cultural asturiana recomienden una obra musical d’actualidá que s’alcuentra na ‘periferia’ de la industria del espectáculu.
Otra de les novedaes d’esta nueva etapa ye que parte de los espacios van ser grabaos en dellos cafés repartíos per Asturies y nuna llocalización de la Casa Cultura Teodoro Cuesta de Mieres.

La TPA emite’l domingu pela nueche la Xunta Estraordinaria de l’Academia de la Llingua Asturiana

2008-05-10T22:02:00.000+01:00

d'asturnews.com

La TPA va emitir mañana domingu en diferíu a les 00:30 hores l’actu oficial del XXIX Día de les Lletres Asturianes que celebró esti vienres l’Academia de la Llingua Asturiana nel Teatru Campoamor d’Uviéu.

La gala inclúi l’'Homenaxe a la Música Asturiana', na que participaron Nuberu, Dixebra, Llan de Cubel, Carlos Rubiera y Los Berrones, amás del gaiteru Llorián García, qu’abrió y peslló l’actu.

Próspero Morán, director d’Asturnews, y Loreto Díaz conducen esti programa.

La Presidente de l'ALLA noma nel so discursu l'ésitu de los programes n'asturianu de la TPA

2008-05-10T21:55:00.001+01:00

Hubo también otra petición para la Radio Televisión del Principado de Asturias (RTPA), cuyos programas en asturiano están cinco puntos por encima de la media de audiencia respecto al resto, pero, a juicio de la Academia, eso aún es insuficiente. «Hai qu'enanchar la ufierta. Y hai qu'enanchala tanto no que cinca al númberu y tipu de programes como al tiempu d'emisión y a les bandes horaries. Lo que se fai bien ta, pero hai que dar el saltu a otra mena d'espacios, como los informativos, por exemplu, pol altu valir simbólicu que tienen en cuantes a la normalización social», dijo.

Su reclamación la escuchó José Ramón Pérez Ornia, el director del ente, y también representantes políticos del PP e IU. No se vieron, sin embargo, caras conocidas del PSOE.

d'elcomerciodigital.com

FRAGMENTU DEL DISCURSU

• La llingua nos medios de comunicación y l’emplegu del asturianu na RTPA

Prestaríame facer agora una pequeña reflexón sobre otra estaya perimportante pa la normalización llingüística, la de los medios de comunicación. Y ye qu’equí, nesta estaya la presencia del asturianu avanza demasiao adulces. Y nun ye un problema de falta de demanda social. Dexáime que vos ponga un exemplu namái. Como sabéis, va poco más d’un mes l’Academia robló un conveniu de collaboración col Ente Públicu de Comunicación del Principáu d’Asturies y, nel actu de robla, el Direutor Xeneral del Ente amosó la so satisfaición porque l’índiz d’audiencia de la programación en llingua asturiana taba 5 puntos penriba de la media de la programación en llingua castellana. Los programes de referencia (Al Aldu, Pieces, Nós y Camín de Cantares), emitíos los sábados pela mañana, suponen un curtiu porcentax del total de la programación (432 hores añales, lo que fairía, si fore’l casu, un pocoñín más d’una hora al día), pero, pela cueta, esta curtia programación algamó una cuota media de pantalla de 11,8 puntos frente a los 6,8 llograos pol restu de la emisión. Con estos datos ye fácil decatase a lo menos de dos coses: una, qu’estos programes funcionen; y dos, que los estudios sociollingüísticos nun s’enquivoquen cuando anecien una y otra vuelta con que la sociedá asturiana demanda unos medios de comunicación onde la presencia de la llingua seya normal dafechu.

Ye verdá qu’agora cuntamos con un programa más, nesti casu empobináu a los neños, Presta a esgaya. Pero nun abasta. Hai qu’enanchar la ufierta. Y hai qu’enanchala tanto no que cinca al númberu y tipu de programes como al tiempu d’emisión y a les bandes horaries. Lo que se fai bien ta, pero hai que dar el saltu a otra mena d’espacios, como los informativos, por exemplu, pol altu valir simbólicu que tienen en cuantes a la normalización social. Porque nun podemos escaecer que la televisión ye una de les erbíes más acionaes a la hora de dignificar, prestixar, esparder y facer normal una llingua, cualquier llingua, y la nuesa nun pue ser una esceición. Nesti sen, la RTPA tien que ser una ferramienta al serviciu d’Asturies y un preséu de primer orde pa la xuntura territorial, social, cultural y llingüística que tanto precisamos. Y esa xuntura nun se pue facer al marxe de la llingua, porque de ser asina Asturies dexaría de ser Asturies. Aguardo de veres que’l conveniu robláu col Ente Públicu frutie bien llueu y podamos algamar, por fin, esa programación n’asturianu pola que venimos rispiendo dende va tiempu.

La TPA emite l'actu del Día de les Lletres

2008-05-10T21:53:00.000+01:00

d'Asturies.com

10/05/2008 La Televisión del Principáu d'Asturies emitirá esti domingu a les 00.30 hores l'actu académicu del XXIX Día de les Lletres Asturiaes entamáu pola Academia de la Llingua y celebráu nel Teatru Campoamor d'Uviéu.

«Pola mañana, ¡Presta asgaya!», reportaxe sobre la programación n'asturianu n'El Diario de León

2008-04-30T00:11:00.000+01:00

| Reportaje | Regiones hermanas |
La Televisión Pública de Asturias emite siete programas en la «llingua», y el más popular de ellos, «Camín de cantares», planea viajar a León para mostrar la similitud cultural E. Gancedo león

¿Qué pensarían de un programa que está protagonizado por personajes como Los Prestosos, Xanina, Nuberu, Trasgu, La Güela Curuxa y El Cuélebre? Pues que no son nombres extraños para un leonés, y menos aún para los que viven en las comarcas del arco montañoso noroccidental, cuyo imaginario está poblado de personajes como los cuélebres o culebrones , las xanas , janas y los reñuberos , que es la versión leonesa de esos personajes mitológicos que en Asturias se conocen como nuberos . Hablamos, sencillamente, de la Televisión Pública de Asturias, que despierta todos los sábados a los chavales con ¡Presta asgaya! , un programa en asturiano pensado para los más pequeños de la casa. Y hablamos también de cómo todas las regiones del país han iniciado ya un serio proceso de puesta en valor y vivencia de su cultura autóctona que en León apenas sí se ha iniciado. Aquí, en nuestra tierra, ningún programa ni cadena televisiva habla a los niños de La Cabrera sobre quién era Xuanín del Osu; ni lo que pasó en Gordón con el Dragón de la Gotera y el héroe Llaurente; ni en qué idioma hablaban aquellas ondinas de Palacios del Sil sobre las que escribía Eva González: «Polos Pozos de L.louzuelos/ onde nacía una reguera/ vivía una encantadina/ que poucos l.logranon vela». Ningún espacio audiovisual -que hoy día es el lenguaje que realmente llega a todos los públicos- informa a los leoneses sobre su cultura tradicional, sus raíces, a diferencia, prácticamente ya, del resto de los españoles. Según informa la TPA, el estreno de ¡Presta asgaya! , que tuvo lugar el pasado mes de marzo, «coincide con la celebración del primer año de la emisión de los programas en asturiano Camín de cantares , Pieces , Nós y el magazine Al Aldu , con sus espacios A Galmiaes , Recetes con cuentu , La risión , Xente de casa y Axenda d'Asturies . Durante este periodo la cadena ha apoyado la difusión del asturiano y lo ha demostrado dedicando 432 horas a sus espacios en la llingua ».

Los paisanos de Ambás Quizá el más popular de todos ellos sea Camín de Cantares , conducido por uno de los mejores investigadores y conocedores del folclore asturiano, Xosé Ambás, y que ha cumplido su objetivo principal de «rescatar una parte importante de la cultura tradicional de los asturianos». «Este programa -recuerda la TPA- consiguió su máxima cuota en febrero, cuando alcanzó un 30,2% de share y una audiencia media de 28.000 televidentes. Los espectadores han podido disfrutar a lo largo de los 26 capítulos emitidos de un centenar de cantares y melodías populares de todos géneros: música de baile, vaqueiradas, danzas, romances, y cantares de boda, de la revolución del 34 y de la guerra civil, entre otros». Buen conocedor de que la cultura leonesa mantiene una conexión evidente con la asturiana, Ambás tiene previsto visitar comarcas leonesas para dar cuenta de esa unidad. Además, la primera temporada de Camín de Cantares se ha editado en un DVD que se está vendiendo con con gran éxito. Desde la óptica leonesa llama poderosamente la atención este programa, sobre todo cuando Ambás visita la zona occidental de Asturias (cuyo habla es casi idéntica en sus hermanadas variantes al llionés de La Cabrera, Laciana, etc.) y, obviamente, se echa mucho de menos una apuesta similar en nuestra tierra.

http://www.diariodeleon.es/se_cultura/noticia.jsp?CAT=114&TEXTO=6770686

Terapia de Grupo: Revilla canta n'asturianu

2008-04-17T09:08:00.001+01:00

El presidente cántabru fala más n'asuturianu que'l xefe del Gobiernu d'Asturies

Revilla falando del asturianu y de Terapia de Grupo en La Sexta

2008-04-17T09:07:00.001+01:00

Nós: Próspero Morán visita Cimavilla (Xixón) con Mª Xosé Rodríguez

2008-04-17T09:01:00.002+01:00

Próspero Morán visita Cimavilla (Xixón) con Mª Xosé Rodríguez pal programa Nós.

Presta Asgaya n'asturianu tolos díes

2008-04-06T14:34:00.002+01:00

Anunciu d'El Cuentacuentos de Presta Asgaya. El primer programa infantil diariu en llingua asturiana. Tolos díes a les 8:30 la mañana.

El primer "El Cuenta Cuentos de Presta Asgaya"

2008-04-04T10:21:00.003+01:00

Primer programa d'El cuenta cuentos de Presta Asgaya, xubíu por VityUviéu

L'éxitu d'audiencia «obliga» a la TPA a consolidar la programación n'asturianu

2008-04-04T01:20:00.002+01:00

3 d'abril de 2008
de lesnoticies.com

MIGUEL BARRERO

L'éxitu d'audiencia que vienen teniendo los programes n'asturianu que la Televisión del Principáu d'Asturies (TPA) emite dende marzu de 2007 «obliga» al Ente autonómicu a siguir trabayando nel desarrollu y consolidación d'esa parte de la parrilla. Eso dixo José Ramón Pérez Ornia, director de la RTPA, na rueda de prensa na que se presentaron unos datos d'audiencia que demuestren que l'usu del asturianu na televisión supón, amás d'un factor bien importante pa la normalización y difusión de la llingua, una bona fonte d'audiencia.Les cifres falen por sí mesmes y son bien explícites. La media d'audiencia de los programación n'asturianu de la TPA sitúase nel 11,8%, mientes que la de la cadena queda nel 6,8%, lo que ye tanto como dicir que los espacios nos que s'usa l'asturianu como llingua vehicular son vistos pol doble de persones de les que ven habitualmente la TPA. Anque l'éxitu d'estos programes yera dalgo que yá se sabía dende hai tiempu, el cuadru facilitáu pol Ente autonómicu cola evolución de les audiencies dende qu'empezaran les emisiones n'asturianu ye la so demostración más evidente. Nesti últimu añu, la media de la TPA namás foi quien a superales en dos momentos: ente los meses de xunetu y ochobre y nel pasu d'avientu de 2007 a xineru de 2008. A partir d'esti últimu mes, el númberu d'espectadores de los programes n'asturianu siguió la so segunda meyor evolución (la primera dióse ente ochobre y payares de 2007, nel qu'ascendió del 3,6% al 8,8%), con una xuba de más de cuatro puntos porcentuales (del 7,3% rexistráu nel pasáu mes de xineru al 11,8% d'esti mes de marzu).

José Ramón Pérez Ornia foi analizando estos datos dende tres óptiques distintes. En primer llugar, fixo referencia al aspectu sociollingüísticu pa remarcar que la puesta en marcha de la programación asturianu de la RTPA supunxo la materialización del so enfotu más importante como responsable del Ente, que nun yera otru que'l de «reflexar la realidá d'Asturies», y destacó l'apueste que, en términos económicos, se fixera dende la cadena pa reforzar esti tipu de programes. Ornia recordó que les emisiones n'asturianu escomenzaron «con una inversión de 180.000 euros aprobada na Xunta Xeneral del Principáu» y qu'esi presupuestu incrementóse dende la propia TPA nun 455% hasta invertir, ente 2006 y 2008, un total de 819.000 euros na producción de programes n'asturianu. Tamién añedió que la canal autonómica «ta contribuyendo a que la llingua asturiana tenga un valor nuevu qu'inda nun algamare completamente hasta agora y que nun ye otru que'l valor audiovisual».Estructura empresarialOtru de los aspectos que destacó Ornia nel so discursu foi'l que tien que ver col diseñu d'una estructura empresarial enfocada a la ellaboración de productos audiovisuales al dicir que la TPA «ta contribuyendo a la creación d'una industria de producción audiovisual n'asturianu». Sicasí, el mensaxe más importante que dexó na so comparecencia foi'l que tuvo que ver col reconocimientu de la existencia de la «demanda evidente» que la sociedá asturiana tien de productos d'esti tipu, una demanda que fai que la TPA tea «obligada a siguir trabayando na producción de programes n'asturianu», consolidando y desarrollando lo que yá se tien y buscando propuestes nueves que llevar a l'audiencia.N'actualidá, la TPA emite, dientro del espaciu que-y dedica a la llingua asturiana, los programes «Camín de cantares», «Pieces», «Nós» y «Al aldu» (un contenedor compuestu polos espacios «A galmiaes», «Recetes con cuentu», «La risión», «Xente de casa» y «Axenda d'Asturies»). De toos ellos, foi «Camín de cantares» el que más espectadores llevó a la TPA nesti últimu añu. El programa producíu por Ámbitu Audiovisual y conducíu por Xosé Antón Fernández «Ambás», baxo la dirección de Ramón Lluís Bande, tuvo'l pasáu 9 de febreru un «share» del 30,2%, con una audiencia media de 28.000 televidentes, que supunxo amás un máximu históricu dientro de la programación xeneral de la TPA. Sicasí, nun foi l'únicu porcentaxe bonu d'esi programa, que dende la so salida a antena vieno rexistrando dellos datos d'audiencia que nun tardaron en consolidalu non como'l más vistu de tolos que s'emiten asturianu, sinón como un referente na programación xeneral de la TPA. Asina, la distancia que separa les sos audiencies de les de los otros programes n'asturianu ye, de fecho, notable. El meyor datu d'audiencia de «Al aldu» foi un 18,8% (11.000 espectadores), mientes que «Nós» tien el so máximu nun 15,8% (6.000 espectadores) y «Pieces», tamién producíu por Ámbitu Audiovisual, llegó a ser vistu'l 8 de marzu pasáu por 14.000 espectadores que supunxeron un 15,4% de «share». El sábadu 29 de marzu, como primer pasu pa esa «consolidación» de les emisiones n'asturianu, la TPA estrenó un nuevu programa grabáu na llingua del país, «El cuentacuentos de Presta Asgaya», dirixíu al públicu infantil.José Ramón Pérez Ornia aprovechó'l balance del primer añu d'emisiones n'asturianu pa firmar un conveniu de collaboración cola Academia de la Llingua Asturiana (ALLA) pol que la institución va dar asesoramientu llingüísticu a los profesionales del Ente autonómicu, amás d'ofrecer delles acciones de formación nes que van a enmarcase cursos y seminarios de calter científicu y divulgativu. El conveniu, que tien un calter bianual y prorrogable, tamién inclúi ente los sos oxetivos afitar canales d'espardimientu y promoción de la llingua asturiana y l'intercambiu d'información ente l'Academia de la Llingua Asturiana y la TPA sobre actividaes llevaes al cabu por caduna de les instituciones.

Nuevu programa na RPA: ¡Acuto!

2008-04-04T01:19:00.001+01:00

¡Acuto! ye’l nuevu programa n’asturianu de la Radio Pública d’Asturies

de www.asturnews.com

Carlos Suari

Asturnews yá adelantaba la selmana pasada que la RPA diba estrenar un nuevu programa n’asturianu dirixíu por Carlos Suariu y l’Ente Públicu de Comunicación d’Asturies facía ayeri públicos los detalles d’ésti y de los otros siete programes qu’estrenen estes selmanes dientro del cambiu d’imaxe y conteníos de la radio pública.

El programa de Suari, centráu na cultura física tradicional d'asturies, falando de xuegos, bailles, dances y deportes tradicionales nel marcu de la cultura asturiana. El programa va desenrrollase en media hora na que van poder sentise entrevistes, reflexones teóriques, actualidá, axenda, desplicación de xuegos, bailles, dances y deportes, música de baille y danza, reportaxes, convocatories, materiales y programes especiales coincidentes con dellos acontecimientos especiales.

La productora encargada d’esti programa ye “Tenconten Media” y la idea orixinal, el guión y la llocución van tar al cargu de Carlos Suari, que va cuntar como técnicu, con Lucía Menéndez.

El primer programa va estrenase’l próximu martes a les 16:30 hores y van introducise nél los conteníos y la estrucutura fundamentales del programa, con una entrevisa a Luis Miguel Álvarez, espertu en deportes tradicionales y collaborador col programa.

Esta nueva temporada, estrena amás identidá corporativa creada pola empresa Nuevos Aires Producciones, con voz corporativa con acentu arxentín, lo que yá ta xenerando polémica ente los siguidores de la emisora.

Miguel Fernandi

Los programes nuevos son : “Aqui y ahora”, el nuevu nome de los informativos de mañana y tarde, la conexón col informativu de la TPA pela nueche, “Radiolandia”, de 10 a 12:30 de llunes a vienres, va ser un magacine.

“Tiempo Añadido”, tolos díes de 19:30 a 20:30 y les fines de selmana de 18:00 a 20:00, siempres cola actualidá deportiva, y pela selmana prestáu por Miguel Fernandi.

“Eclipse” va ser el programa nel Cristobal Ruitiña acerque a la radio novedaes culturales. “Central Eléctrica” va inclyir “too sobre la musica llectrónica” y per últimu “Noche Tras Noche”, un programa de Pedro Laguna y los sos collaboradores, qu’acompañarán cada nueche a los oyentes nun magacine nocherniegu.

La RPA va estrenar un nuevu programa n’asturianu sobre deportes y xuegos tradicionales

2008-03-28T22:46:00.000Z

d'asturnews.com

http://www.asturnews.com/index2008.php?idn=6265

La dirección del Ente Públicu de Comunicación del Principáu d’Asturies, xestora de la RTPA, tovía nun lo fizo público, pero Asturnews pudo saber yá que col entamu de la nueva programación de la RPA (Radio del Principáu d’Asturies), va estrenase un nuevu programa n’asturianu, dirixíu pol conocíu presentador del programa deportivu de la TPA “Al aldu: A galmiaes”, Carlos Suari.

Anque nun principiu la direccion de la RPA baraxó la idea de dalgún programa más en llingua asturiana, a la fin va ser ésti, dedicáu a los deportes y los xuegos tradicionales d’Asturies, l’únicu que se sume a la programación de la radio pública d’Asturies.

Carlos Suari tuviere yá llevando esti branu’l programa “Paraísu Natural” na emisora, sustituyendo a Consuelo Vega.

El nuevu programa de Suari súmase asina a los yá esistentes: Llugar pal placer, Rockmería, Nomes d’Asturies, Revoltixu nes ondes, Paraísu Natural y Música, Músiques.

L'Academia de la Llingua y la RTPA roblen un conveniu de collaboración

2008-03-28T22:45:00.000Z

28/03/2008 La Radio Televisión del Principáu d'Asturies (RTPA) acaba de comprometese a que la llingua asturiana "tenga un nuevu valor", semando asina l'orixe "d'una industria audiovisual n'asturianu", aseguró'l direutor xeneral de la entidá, José Ramón Pérez Ornia. Asina quedó espresao na rueda de prensa que se celebró na sede de la televisión, dempués de qu'Ornia roblara un conveniu de collaboración cola Academia de la Llingua Asturiana, representada na figura de la so presidenta, Ana María Cano. Pal direutor de la RTPA, el conveniu enmárcase "dientro del ésitu d'audiencia que vienen amosando los programes en llingua asturiana presentes na programación". Nesti sen, sorrayó que l'audiencia algamada pola programación n'asturianu nesti primer añu foi del 11'8 por cientu, una cifra que perpasa en cinco puntos la media de la programación de la cadena, que foi de 6'8 por cientu.

Pela so parte la presidenta de l'Academia de la Llingua faló de la importancia del conveniu, que tendría un llargor de dos años renovables, sobre manera no que cinca al asesoramientu llingüísticu y a la formación n'asturianu del personal de la RTPA.

La RTPA estrena mañana, a les 8.30 de la mañana, el primer cuentacuentos del programa "Presta asgaya" n'asturianu. Ente los primeros títulos de los 145 capítulos previstos taríen: 'Na boca del llobu'; 'El pactu del cuchu'; 'La fardela de les monedes d'oru'; y 'El sueñu de Llaura'.

Otros aspeutos que recueye'l conveniu son: la organización de xornaes, seminarios y cursos, promoción de servicios y actuaciones d'esparcimientu de la llingua empobinaes a los titulaos en periodismu de recién, asina como al restu de profesionales del ámbitu televisivu.

Pa finar, Cano manifestó tar confiada en que "la TPA va xugar un papel perimportante nel desendolcu social y cultural d'Asturies". Dende'l so puntu de vista "nun ye posible imaxinar un futuru ensin llingua asturiana". Asina aseguró que "ye imposible normalizar la llingua ensin los medios de comunicación". Al tiempu señaló que l'ésitu d'audiencia respuende a una demanda social, polo que sería fundamental ampliar entovía más la presencia del asturianu nel mediu, sobe manera en "espacios simbólicos" como los informativos.

d'asturies.com

Nuevu programa n'asturianu dempués del ésitu de los programes n'esta llingua

2008-03-28T22:43:00.001Z

La RTPA y la academia de la Llingua refuerzan su colaboración
RTPA, 28-03-200817:10 h

La Radio Televisión del Principado de Asturias (RTPA) contribuirá a que la lengua asturiana "tenga un valor nuevo" y sembrar el origen de una industria audiovisual en asturiano, según el director general de la entidad, José Ramón Pérez Ornia. Así lo manifestó en rueda de prensa en la sede televisiva,*tras la firma de un convenio de colaboración con la Academia de la Llingua Asturiana, rubricado por su presidenta, Ana María Cano, para la divulgación del asturiano. Ornia destacó que el convenio se enmarca en el éxito de audiencia obtenido en el primer año de programación en asturiano.

En este sentido, resaltó que la audiencia obtenida durante las 432 horas de emisión en asturiano de este primer año, fue de 11,8%, una cifra cinco puntos superior a la media de la programación de la cadena, que fue de 6,8%. Asimismo, destacó que el presupuesto inicial estimado para la programación en asturiano de 180.000 euros creció un 455%, al invertir, entre 2006 y 2007 más de 819.000 euros. En su opinión, el hecho de que cada día se emita alguna programación en asturiano, con una media de una hora y once minutos, es "relevante". Un tiempo que prometió que se iría incrementando, tras iniciarse el 31 de marzo de 2007.

La presidenta de la Academia de la Llingua resaltó la importancia del convenio, con periodicidad de dos años renovables, especialmente en lo que atañe al asesoramiento llingüístico y a la formación en asturiano del personal de la RTPA. Cano se mostró confiada en que "la RTPA va a jugar de seguro un papel muy importante en la vertebración social y cultural de Asturias". Para ella, no es posible imaginar un futuro sin la lengua asturiana, que debe de tener su propio espacio, a su juicio.

A este respecto, aseguró que es muy difícil hacer una normalización de la Llingua sin los medios de comunicación. También destacó la buena acogida de la programación en asturiano de la RTPA, lo que muestra, según ella, que existe una demanda social. Cano aprovechó la ocasión para pedir extender la emisión en asturiano a otros programas y franjas horarias e instó a conquistar espacios simbólicos para la Llingua, especialmente los informativos. Es más, indicó que el día que esté presente la Llingua en cualquier tipo de programa se podrá pensar en que la Llingua es "normal".

de rtpa.es

Al aldu: Xente de casa, con Inaciu Galán 13/03/2008

2008-03-18T22:41:00.001Z

Vidiu xubíu por "Alborecer".

Al aldu: Xente de casa, con Inaciu Galán 06/03/2008

2008-03-11T00:55:00.000Z

Al aldu: La Risión con Silvino Torre

2008-03-09T19:41:00.003Z

Un monólogu tituláu Ser asturianu, del que ye autora Cristina Muñiz.

Vidiu ufiertáu por Alborecer

Inaciu Galán, presentador d'Al aldu, entrevistáu n'El Comercio

2008-03-04T13:49:00.003Z

Ufiertamos la entrevista a Inaciu Galán n'El Comercio

INACIU GALÁN ESCRITOR Y PERIODISTA
«L'asturianu foi siempre la llingua que sentí en casa»
«El futuru del idioma va depender de que la llingua seya oficial o non, nel nuevu estatutu d'autonomía»

04.03.08 - ENRIQUE CARBALLEIRA

Semeya: L'escritor, ayeri, en Xixón. / PALOMA UCHA

Inaciu Galán y González (Xixón, 1986) ye periodista, escritor y persona enfotada na defensa de la llingua asturiana. Anguaño presenta'l programa 'Al Aldu' na TPA, amás de dellos espacios na cadena Ser. Tien collaborao con delles cadenes de radio, televisiones locales y medios d'Internet. Como escritor algamó dellos premios y espublizó'l primer diccionariu asturianu/inglés, amás de facer llabores d'investigación toponímica. Ye presidente de l'asociación cultural l'Arribada que tolos años entama l'alcuentru lliterariu del mesmu nome, en Xixón.

-En 2006 usté espublizó'l primer diccionariu del asturianu con una llingua estranxera, l'inglés. ¿Cómo llegó a esti proyeutu?

-Pues entamé a redactalu nel bachiller un poco como exerciciu y dempués la editorial Trabe interesóse pol proyectu, asina que lu rematé y busqué a les persones afayadices pa que la calidá lliteraria tuviere un nivel aceptable. Por eso busqué l'ayuda de la presidenta de l'Academia de la Llingua, Ana Cano y d'una filóloga inglesa nativa que m'ayudaron abondo. La verdá que toi mui arguyosu de ser quien-y dio al nuesu idioma una ferramienta d'intercambiu cola llingua internacional más importante.

-¿Por qué entamó a escribir y por qué n'asturianu?

-L'asturianu foi siempres la llingua que sentí en casa, más amestada, y en casa mios güelos d'una manera más pura. Y anque nun tuvi la oportunidá d'estudiala na escuela, de mui mozu yá me formé pa saber escribir lo que yá conocía na familia y el mio interés pola cultura y la lliteratura, llevóme darréu a escribir, usando la mio llingua, na que toi más cómodu, claro.

-Tamién espublizó va poco un cuadernu de toponimia, xunto con Marta Lozano, ¿llegamos a tiempu de que nun se pierdan esos nomes tradicionales?

-La verdá qu'esti llibrín ye un trabayu del que toi mui arguyosu, porque ye de la parroquia de La Collá, en Siero. El pueblu onde pasé munchos branos y onde viven mios güelos. Ellí tuvimos a tiempu de salvar la mayor parte de los nomes, pero n'otros sitios ta recuperándose la toponimia y dempués les instituciones nun la usen. Nun hai más que ver en Xixón, onde'l gobiernu del PSOE ya IX entama agora a dicir que va usar la toponimia que ye llegalmente oficial, la tradicional, esto ye, cuasi dos años dempués de que s'oficializaren topónimos como 'L'Arena', Xixón y otros menores pero con munchu usu como La Plaza'l Parchís. Eso ye lo importante, que tengan usu nel futuru, non solo recoyelos y dexalos ehí guardaos.

-¿Pa ónde camina la llingua?

-Yo soi siempres mui positivu, anque la falta d'una política llingüística que potencie la educación n'asturianu y l'usu públicu nos medios de comunicación ta faciendo que nun se pare de perder falantes. El futuru del idioma, patrimoniu de tolos asturianos, va depender de que la llingua seya oficial o non nel nuevu Estatutu d'Autonomía.

Diccionario multillingüe

-Usté tamién ye presidente de l'asociación l'Arribada, qu'entama l'alcuentru lliterariu añal en Xixón, ¿cómo ta resultando la esperiencia?

-Vamos yá pal tercer añu y la verdá que ta siendo mui positivo. Una esperiencia na que tamos consiguiendo que los políticos de tolos partíos participen lleendo lliteratura n'asturianu na inauguración, que los escritores de tolos ámbitos tengan el so espaciu y que la xente vaya acercándose cada vegada en mayor númberu. El secretu creo que ye tar abiertos a toos y evitar cayer en sectarismos.

-¿En que proyeutu lliterariu trabaya nestos momentos?

-Pues sigo trabayando na edición de la revista que dirixo pa promocionar a los autores más mozos, Formientu, nun diccionariu multillingüe, na recuperación de testos antiguos, y de xemes en cuando escribiendo poemes, rellatos y sobre manera ensayu. Soi un pocu caóticu pa eso, gústame dir escribiendo a cachinos, cada día un pocu de cada cosa.

-¿Cómo lleva tanta actividá?

-Pues aprovechando'l tiempu al máximu y durmiendo poco (rises). Lo importante ye organizase, anque hai époques más dures, porque tamién estudio una carrera universitaria y les époques d'esámenes son especialmente dures. Pero la verdá que nun me presta nada tar paráu, gústame trabayar.

-Cúntenos cómo entamó la so esperiencia cola televisión y la llegada a la TPA.

-Entamé trabayando na radio y dempués tuvi faciendo una sección televisiva nuna canal local, un programa divulgativu sobre la llingua asturiana que me sirvieron pa iniciame nel mediu y col que la xente tovía me rellaciona. Párenme pela cai pa preguntame pallabres o cuestiones sobre l'idioma, ye prestoso ver que s'interesen. Cuando s'entamó a preparar la programación n'asturianu de la TPA llamóme'l productor Antón García pa facer una prueba y al pocu entamé a facer una sección dientro d'un programa. Dempués acabó por convertise nun programa propiu 'Al Aldu: Xente de casa', un espaciu nel que doi noticies curioses del mundiu.

-De toes formes, ¿sigue habiendo falta d'apuesta pola llingua asturiana nos medios?

-La verdá que sí. Les audiencies dexen claro que la xente nagua por ver programes n'asturianu, por exemplu, namás hai unos pocos programes n'asturianu, toos de curtia duración, arrequexaos al sábadu pela mañana, a un horariu mui específicu qu'evita que tengan una mayor difusión.

-¿Qué más-y gustaría facer nel mediu televisivu?

-Fici programes divulgativos, presenté delles gales de monólogos y agora doi noticies nun tonu informal, un proyectu col que toi mui contentu y col que toi creciendo profesionalmente. Como futuru, pues prestaríame facer un magacine con entrevistes, distintes secciones, humor creo que l'asturianu merez dalguna oportunidá con nuevos formatos non esploraos.

Sacada de...
http://www.elcomerciodigital.com/gijon/20080304/cultura/asturianu-siempre-llingua-senti-20080304.html

Al aldu: La risión> Monólogu de Begoña Quirós y

2008-03-04T13:47:00.001Z

Un nuevu monólogu Cristina Muñiz interpretáu por Begoña Quirós na TPA, dientro'l programa "Al Aldu - La risión". Cortesía, como non, d'Alborecer.

Xosé Nel Riesgo en Pieces

2008-03-03T00:17:00.001Z

L'escritor Xosé Nel Riesgo fala del cuadru "Sueño con un cisne mientras el arco iris me ilumina con sus cuerdas rosas", fechu en 1973 pol artista Eduardo Úrculo (1938 - 2003).

La seición "Muséu" del programa selmanal "Pieces", de TPA, dedícase al análisis de dellos cuadros que tán nel Muséu de Belles Artes d'Asturies.

Videu emitíu'l 23 de Febreru de 2008.

*Gracies a Alborecer pol trabayu constante de colgar los vidios.

Canta l'uxu

2008-03-03T00:06:00.002Z

-Emisión: RPA
-Horarios d'emisión: -
-Periodicidá: Selmanal
-Direutor: Xosé Ambás
-Presentador: Xosé Ambás
-Collaboradores: -
-Productora: -
-Resume de conteníos: Programa dedicáu al folclore y les tradiciones asturianes. Inclúi testimonios orales y soníos orixinales sobre la identidá y la cultura d’Asturies, recoyíos pol so autor, Xoxé “Ambás”, presentador del programa.
-Hestoria: Emitióse na primer temporada de la RPA. Yá nun se fai.
-Capítulos:

Documental sobre Al aldu d'un estudiante

2008-02-28T22:36:00.001Z

Videu realizáu por Illán González onde se ve cómo se fai'l programa de la TPA "Al Aldu: xente de casa" qu'empobina Inaciu Galán; y que s'estrenó dientro de los actos de la Selmana Cultural entamada en xineru de 2008 nel Colexu San Eutiquio (La Salle) de Xixón.

Al aldu: Xente de casa, con Inaciu Galán 21/02/2008 (VIDIU NUEVU)

2008-02-25T21:18:00.002Z

"Xente de Casa" del xueves 21 de febreru de 2008
"Xente de Casa" del xueves 21 de febreru de 2008 nel que, acompañaos por Inaciu Galán, vamos ver la ñeve en Grecia, el turismu ecolóxico en Bangladesh, llinternes voladores en Taiwán, y los casorios de dos elefantes nun zoolóxicu de Benidorm y de 220 pareyes filipines.

"Xente de Casa" ye un magazine n'asturianu de la Televisión Pública d'Asturies, dedicáu a delles noticies internacionales y d'actualidá.

“Al aldu" ente los llíderes d’audiencia de la canal

2008-02-22T00:16:00.001Z

22/02/2008
“Al aldu”, el programa diariu n’asturianu de la TPA, ente los llíderes d’audiencia de la canal

Redacción.

Captures d'Al aldu

L’únicu programa de televisión diariu que s’emite anguaño n’asturianu na canal autonómica, “Al aldu”, ta consiguiendo nos últimos meses unos mui bonos resultaos d’audiencia, superando en cásique toles sos emisiones, la media diaria de la TPA, que nos últimos tiempos consiguió resultaos abondo meyores que los de los sos primeros tiempos, en gran parte polos conteníos n’asturianu, como Camín de cantares o’l programa Nós, presentáu pro Próspero Morán, director d’Asturnews.

Unu de los últimos resultaos, ye d’esta mesma selmana y pon a Al aldu con una audiencia del 17’7%, a unes décimes del programa más vistu del día na canal autonómica y mui penriba de la media de les emsiones. Esto súmase a los bonos resultaos algamaos polos demás programes n’asturianu, sacantes Pieces, orientáu pa un públicu menos xeneralista, y demuestra l’ésitu d’emitir programes na llingua propia d’Asturies, daqué que, per otra parte, yá demostraren los resultaos d’otres emisiones en televisiones llocales, como’l programa de Xurde Morán.

Al aldu ye un programa variáu qu’acuta los llunes humor com ‘La risión’, una sección coordinada por Lluis Antón González y onde apaecen dalgunos de los meyores monologuistes modernos del país. Los martes Carlos Suari ta al frente de la sección deportiva ‘A galmiaes’, que percorre l’actualidá deportiva d’Asturies. Milio’l del Nido lleva a los espectadores les sos ‘Recetes con cuentu’ los miércoles, mientres que los xueves ye Inaciu Galán l’encargáu d’acercanos l’actualidá internacional más entretenida con ‘Xente de casa’. ‘Al aldu’ termina la so selmana los vienres con Mercedes Menéndez y la so ‘Axenda d’Asturies’, con actividaes pa la fin de selmana.

La emsión ye a les diez y media la mañana y repítse los sábados a la mesma hora, nel casu de “Recetes con cuentu” y a les doce, “Xente de casa” y “La risión”.

d'asturnews.com

La TPA líder d'audiencia na mañana del sábadu 9 gracies al 30,2 % share de "Camín de Cantares"

2008-02-12T10:02:00.000Z

"Camín de Cantares", programa dirixíu por Ramón Lluís Bande, presentáu por Xosé Antón Fernández "Ambás" y producíu por Ámbitu Audiovisual, tuvo esti sábado 9 una audiencia media de 28.000 espectadores, algamando con ello un 30,2 % de share, cifra cola que la TPA lideró esti horariu y asitió como la televisión más vista n'Asturies, per delantre de toles otres cadenes, tanto del Estáu como les locales.

"Camín de Cantares", ún de los pocos programes en llingua asturiana que caltién la canal autonómica, algamó d'esta miente un máximu históricu cola repetición d'un episodiu de la segunda temporada, colos informantes Adolfina y Piro que-y relataron al popular presentador de televisión y estudiosu de la tradición etnomusical asturiana diversos aspectos de la vida n'El Val.le, llugar del conceyu de Somiedu.

El llistón marcáu por "Camín de Cantares" foi descenciendo aduces pela mañana: TPA algamó otru nuevu másximu col programa de caza "Al acecho", con un 23,3 % del share y la primer edición de "TPA Noticias" consiguió'l so récord al algamar una cota media del 18,2%.

Nesti momentu, Ramón Lluís Bande ta dirixendo'l rodaxe de la tercer temporada de "Camín de Cantares", al tiempu qu'Ámbitu Audiovisual contempla otros proyectos televisivos.

de lesnoticies.com

Facer televisión n'Asturies: Al aldu

2008-02-04T12:04:00.000Z

Videu realizáu por Illán González , alumnu del Colexu La Salle de Xixón, onde se ve cómo se fai'l programa de la TPA "Al Aldu: Xente de casa" qu'empobina Inaciu Galán; y que s'estrenó dientro de los actos de la Selmana Cultural entamada en xineru de 2008 nel Colexu San Eutiquio (La Salle) de Xixón.

Al aldu: Xente de casa, con Inaciu Galán 26/01/2008

2008-01-28T13:40:00.000Z

Vidiu nuevu d'Al aldu: Xente de casa. Gracies a "Alborecer" por xubilu.
Presentáu por Inaciu Galán, "Xente de Casa" ye un magazine de TPA, dedicáu a delles noticies internacionales y d'actualidá.

Inaciu Galán: Al Aldu, XENTE DE CASA (3 de xineru)

2008-01-09T00:53:00.000Z

"Alborecer" ufiértamos el primer Al Aldu: Xente de casa del añu, presentáu por Inaciu Galán.

Nel programa fai un repás a la Nuechevieya alredor del mundiu y al Añu Nuevu en dellos llugares.

Al Aldu canta y bailla n'Añu Nuevu

2008-01-04T00:52:00.000Z

04/01/2008
Disfruta de la versión de “Na caleya” de los presentadores d’Al Aldu

Redacción.
El concursu músical de la TPA "Yes un artista" emitió’l día d’Añu Nuevu un especial, la so “gran final”, na uq ecollaboraron los presentadores de dellos programes de la TPA, cantando y baillando en vidioclips preparaos pa la ocasión. Disfruta agora viendo y sintiendo la versión de “Na caleya”, del grupu La Bandina, na voz y nos bailles de los presentadores d’Al Aldu: Tante Blanco, Milio’l del Nido, Inaciu Galán y Mercedes Menéndez.

d'asturnews.com

Siguen les votaciones pal programa preferíu d'Al Aldu

2007-12-20T09:55:00.000Z

mirái lo vidios y votái na encuesta pola seición que más vos preste (dellos de los vidios son nuevos)

L'AXENDA: CON MERCEDES MENÉNDEZ

XENTE DE CASA: CON INACIU GALÁN

RECETES CON CUENTU: MILIO'L DEL NIDO

LA RISIÓN

A GALMIAES: CON CARLOS SUARI

2 nuevos vidios d'Al Aldu: Xente de Casa y l'Axenfa

2007-12-08T02:11:00.000Z

Ufiertamos, gracies a "Alborecer" dos nueves grabaciones d'Al Aldu. La del xueves 6 d'avientu, Xente de casa con Inaciu Galán, y la del vienres 7, con L'axenda de Mercedes Menéndez, a siguir votando na encuesta!!

LES SEICIONES D'AL ALDU: MIRA Y VOTA NA ENCUESTA

2007-12-03T22:57:00.000Z

A GALMIAES: CON CARLOS SUARI

LA RISIÓN

RECETES CON CUENTU: MILIO'L DEL NIDO

XENTE DE CASA: CON INACIU GALÁN

L'AXENDA: CON MERCEDES MENÉNDEZ

Nuevu vidiu d'Al Aldu: A galmiaes

2007-12-02T10:11:00.000Z

AL ALDU: A GALMIAES, CON CARLOS SUARI

"Nomes d’Asturies” ye’l programa prefiríu pol públicu de la RPA

2007-11-28T13:37:00.000Z

equipu de Nomes d'Asturies

Ta acabante de pesllase la encuesta na que buscábamos el programa n’asturianu preferíu polos oyentes de la radio pública asturiana. El resultáu 48% de los votos y el primer puestu pal programa “Nomes d’Asturies” y mui cerca, col 41% Rockmería”.

“Nomes d’Asturies” ye un programa qu’al mou de les vieyes noveles radiofóniques percorre la hestoria d'Asturies al traviés de la dramatización con actores de la vida de personalidaes asturianes y llugares ya instituciones del país, dirixíos por Chechu García y con Eva Vallines, Rocío Pinín, Roberto Corte, Silvino Torre, Chechu García, Azucena álvarez y otros como actores. Los guiones tán fechos por escritores como Cristina Muñiz, Inaciu Galán y González, Ana Belén Suárez o Carlos Suari. El programa emítese los llunes de 13:05 a 13:30 hores y en redifusión de 23:30 a 00:00 hores.

“Rockmería”, el segundu preferíu polos oyentes ta dirixíu pol músicu y empresariu Xune Elipe y algamó’l 41% de los votos. En tercer puestu, col 4% los votos, quedó “Música, músiques”, onde Ismael Arias percorra los caminos de la música asturiana más averada al mundiu de la tonada. Curtu quedó, col 2% “Paraísu Natural”, magacine presentáu agora por Antón García y en distintes etapes por Consuelo Vega y Carlos Suari.

El blogue RTPA N’ASTURIANU entama agora una encuesta sobre’l programa Al Aldu. Col envís de conocer cuála ye la sección preferida polos telespectadores de la TPA d’esti programa diariu.

Recordamos a los llectores les secciones d’Al Aldu: Los llunes Carlos Suari ta al frente de la sección deportiva ‘A galmiaes’, que percorre l’actualidá deportiva d’Asturies, col so espaciu pal deporte tradicional. La risión’, una sección coordinada por Lluis Antón González y onde apaecen dalgunos de los meyores monologuistes modernos del país. Milio’l del Nido lleva a los espectadores les sos ‘Recetes con cuentu’ los miércoles, mientres los xueves ye Inaciu Galán l’encargáu d’acercanos l’actualidá internacional más entretenida con ‘Xente de casa’. ‘Al aldu’ termina la so selmana los vienres con Mercedes Menéndez y la so ‘Axenda d’Asturies’, qu’encamienta a los espectadores actividaes pa la fin de selmana.

actualizada sección de Nomes d'Asturies con tol llistáu de programes emitíos:

http://rtpanasturianu.blogspot.com/2007/08/nomes-dasturies.html

Segunda emisión de Nós - Humberto Gonzali

2007-11-20T00:40:00.000Z

segundu capítulu de Nós.

Si'l primeru tuvo dedicáu a ún del PSOE que ta pola oficialidá del asturianu (Serxu Solares), esti segundu ye una entrevista a ún del PP que tamién ta pola oficialidá del asturianu (Humberto Gonzali).

Trés vidios nuevos de la TPA

2007-11-14T13:01:00.000Z

Al Aldu: Recetes con cuentu - Chicharru al fornu

Nós, primera edición del programa - Invitáu: Serxu Solarez

Pieces: Muséu con Chema Vega

El diariu de Petiso: Nueva seición n'asturianu en Terapia de Grupo

2007-11-08T22:30:00.000Z

''Al Aldu'' pasa a emitise tolos díes a les 10:30 de la mañana na TPA

2007-11-07T01:41:00.000Z

L’únicu programa diariu de la Televisión del Principáu d’Asturies, Al Aldu, cambió d’horariu esta selmana y pasó a emitise a les 10:30 de la mañana de llunes a vienres. Al Aldu va siguir colos sos espacios habituales presentaos por Lluis Antón González, Carlos Suari, Milio’l del Nido, Inaciu Galán y Mercedes Menéndez y con una duración d’unos quince minutos diarios.

Los llunes ye’l momentu pal humor y ‘Al aldu’ dedica’l so tiempu a ‘La risión’, una sección coordinada por Lluis Antón González y onde apaecen dalgunos de los meyores monologuistes modernos del país. Los martes Carlos Suari ta al frente de la sección deportiva ‘A galmiaes’, que percorre l’actualidá deportiva d’Asturies. Milio’l del Nido lleva a los espectadores les sos ‘Recetes con cuentu’ los miércoles, mientres que los xueves ye Inaciu Galán l’encargáu d’acercanos l’actualidá internacional más entretenida con ‘Xente de casa’. ‘Al aldu’ termina la so selmana los vienres con Mercedes Menéndez y la so ‘Axenda d’Asturies’, con actividaes pa la fin de selmana.

Pa los que nun pueden velos pela selmana, el programa repítese los sábados a les 10:30 y a les 12 de la mañana. El programa produzlo ‘Saltadera’, la productora dirixida por Antón García.

de www.asturnews.com

Vidiu nuevu de 'Nós', l'asturianu nos institutos

2007-11-04T22:05:00.000Z

Nesti capítulu de Nós, Próspero Morán convidamos a conocer la realidá de la enseñanza de Llingua Asturiana nes escueles y institutos d'Enseñanza Secundaria d'Asturies. Pa ello, el programa viaxa al institutu Juan José Calvo Miguel de Sotrondio, en Samartín del Rei Aureliu, decanu de la enseñanza d'Asturianu y paradigma de les problemátiques qu'anguañu s'atopen nella. Amás de sentir a los mayestros, dellos rapacinos y rapacines de Sotrondio, Santa Bárbola, Perabeles y Blimea cuéntenmos el so perinteresante puntu de vista.
Esti capítulu emitióse'l 2 de Payares de 2007.

Nuevu vidiu d'Al Aldu: Recetes con cuentu

2007-10-30T23:45:00.000Z

Nesti capítulu, Milio'l del Nido depréndemos a facer el llechi frito mentanto mos cuenta delles aventures del so collaciu hosteleru Fernando Lorenzo "el del Paragües". Y pa terminar, una cosadiella un poquiñín "pinta".

(Cachín del programa de cocina "Al Aldu - Recetes con Cuentu", de TPA)

1:Camín de cantares 2: Al Aldu 3: El Chigre

2007-10-08T10:25:00.000+01:00

Yá escoyimos los programes que más mos presten. Esto coincide colos seis meses d’emisiones en llingua asturiana de la TPA.

Y dempués de cuasi dos meses de votaciones el programa escoyíu como’l que más presta a los telespectadores ye ‘Camín de cantares’, presentáu por Xosé Ambás, col 52% de los votos, en segundu llugar quedó ‘Al Aldu’, presentáu por Carlos Suari, Lluis Antón González, Inaciu Galán, Milio’l del Nido y Mercedes Menéndez, que sacó un 19% de los votos y en tercer llugar y col 16% quedó la seición del late night ‘Terapia de grupo’, ‘El Chigre’.

En cuartu lllugar quedó ‘Nós’, presentáu pol direutor d’Asturnews.com, Próspero Morán, que sacó’l 9% de los votos y n’últimu llugar apaez el programa dirixíu por Ramón Lluís Bande, que sacó’l 2% de los votos.

Entamamos agora una encuesta pa escoyer el programa preferíu d’ente los de la Radio del Principáu d’Asturies.

Al Aldu: L'axenda 05/10/2007

2007-10-06T01:28:00.000+01:00

Ufiertamos vidiu d'AL ALDU: L'AXENDA

El Faru d'Iyán: Una esperiencia a imitar na TPA

2007-10-02T23:27:00.000+01:00

Anque nun ye un vidiu de la TPA si que mos presta amosar la esperiencia de doblaxe al asturianu de dibuxos, que si lo fizo una llocal con mui poques perres bien pue facelo la TPA. A ver si s'animen.

Nós: Grupu San Félix

2007-09-30T07:59:00.000+01:00

29/09/2007
El Grupu San Félix protagonista na TPA

Redacción
Esti sábadu caberu de setiembre, a les 12:45, el programa "Nós" de la TPA dedicóse al Grupu San Felix de Candás, faciendo una visita a ún de los sos ensayos, na villa candansina, y percorriendo la so hestoria de la mán de los componentes d'esti pernomáu grupu d'investigación folklórica. ‘Nós’ ye un microespaciu de TPA producíu en collaboración con Zebrastur y dirixíu pol periodista asturiano, y direutor d'Asturnews, Próspero Morán.

d'asturnews.com

Anunciu 2ª TEMPORADA 'CAMÍN DE CANTARES'

2007-09-29T22:27:00.001+01:00

Al Aldu: Xente de casa, con Inaciu Galán 27/09/2007

2007-09-27T18:29:00.001+01:00

Un llector del blogue pásanos esti vidiu de Xente de casa.

MÁS INFORMACIÓN DEL PROGRAMA AL ALDU: XENTE DE CASA

Pogrames especiales TPA

2007-09-26T14:35:00.000+01:00

-Emisión: Misa n'asturianu dende Sariegu.

-Día y hora:

-Resume:

-Emisión: XXI Memorial 'Silvino Argüelles'.

-Día y hora: Sábadu 15 de setiembre de 2007 a les 12:30.

-Resume:Programa en direutu. Gala de tonada na que s'entregaron los premios del XXI Memorial Silvino Argüelles 2007, emitida dende la Casa Cultura Teodoro Cuesta de Mieres. Esti gallardón reconoció'l trabayu de los diez meyores cantantes de canción asturiana y del meyor gaiteru acompañante del añu 2007 n’Asturies. Cuntó cola actuación de los premiaos Jorge Areces, meyor gaiteru acompañante; Anabel Santiago; Rogelio Suárez; María Sánchez y Juan José Martínez, ente más otros, y de los grupos Tuenda, Skanda y Xorrecer. El festival pesllóse cola participación del Coru Mineru de Turón, que va interpretar «Santa Bárbara Bendita».

Sonia Fidalgo, presentadora del programa Terapia de grupo, y Xosé Ambás, de Camín de Cantares, fueron los encargaos de conducir esta gala, que duró una hora y media. TPA utilizó pa la producción y realización de la gala una unidá móvil de 6 cámares allugada a la entrada de la Casa la Cultura. Un total de 20 profesionales.

Anunciu DVD Camín de Cantares

La páxina de los siguidores de la programación n’asturianu de la RPA llega a les 2300 visites

2007-09-26T14:33:00.000+01:00

24/09/2007
La páxina de los siguidores de la programación n’asturianu de la RPA llega a les 2300 visites

El blogue ñació p’axuntar a los siguidores de la RTPA
Redacción.

La web http://rtpanasturianu.blogspot.com/ lleva poco más d’un mes en marcha y yá superó les 2300 visites. Esti blogue ñaciere “pa dar tola información de cada programa y dexar constancia del so percorríu”, siempres qu’esti fuere n’asturianu y emitíu al traviés de dalguna de les canales de radio o televisión del Ente Públicu de Comunicación del Principáu d’Asturies.

La páxina, que va medrando en conteníos pasu ente pasu, inclúi vidios de los programes, información de caún de los programes n’asturianu de la RTPA y de los presentadores que tán o tuvieron nel Ente asturianu. Amás, inclúi una encuesta na que los siguidores tán escoyendo’l meyor programa n’asturianu de la TPA. Nesto momentos va ganando Camín de Cantares y en segundu llugara ta’l programa diariu ‘Al Aldu’.

d'asturnews.com

Dos nuevos vidios d'Al Aldu: La Risión y Recetes con cuentu

2007-09-24T09:42:00.000+01:00

L'asturianu sigue faciendo records d'audiencia

2007-09-18T10:29:00.000+01:00

'Camin de cantares': 7.000 y 11,6%
'Memorial Silvino Argüelles': 13.000 y 14,3%

Antón García inauguró una etapa nueva de ‘Paraísu Natural’ na RPA

2007-09-14T23:10:00.000+01:00

El programa inclúi entrevistes y una axenda cultural

L'escritor y editor Antón García ta dirixendo y presentando dende la selmana pasada’l magacine ‘Paraísu Natural’, que presentaba hasta enantes del branu Consuelo Vega, a la qu’esti branu tuvo sustituyendo Carlos Suari. El primer programa d’esta temporada con Antón García foi’l vienres pasáu cola entrevista a Inaciu Galán por mor de los actos d’Arribada, que güei entamen en Xixón.

El programa inclúi una entrevista y l’axenda cultural de la selmana, que lleva la periodista Vanessa Gutiérrez y emítese tolos vienres a les 14:05 hores y en redifusión a les 00:30 hores de la nueche y cumple esta selmana 46 ediciones.

En cuantes a la TPA, Carlos Suari lleva unes selmanes reincorporáu a la presentación de la sección ‘A galmiaes’, del programa ‘Al Aldu’, dempués d’un branu dedicáu al programa ‘Paraísu Natural’, tiempu nel que Mercedes Menéndez tuvo al cargu de la presentación del programa.

d'asturnews.com

Nuevu vidiu en 'RTPA N'ASTURIANU': "Al Aldu: Xente de casa"

2007-09-04T00:44:00.000+01:00

Anque la calidá de la grabación ye mui deficiete equí ufiertamos 'Al Aldu: Xente de casa', emitíu'l 30 d'agostu de 2007, nel qu'Inaciu Galán fai un repás a delles noticies internacionales.

Más información
sobre Al Aldu: Xente de casa

Aprovechamos pa recordar que la nuesa seición de vidios ta disponible embaxo de la barra drecha de la páxina con tolos vidios disponibles de la TPA n'asturianu, si xubís más ¡avisái!

Nuevu vidiu en 'RTPA N'ASTURIANU'

2007-08-31T11:58:00.000+01:00

Programa Nós emitíu'l 26 de xunu de 2007, nel que sal una entrevista con Ruma Barbero, dibuxante y músicu de Felpeyu que fai repás de la so vida.

Más información
sobre Nós

Aprovechamos pa recordar que la nuesa seición de vidios ta disponible embaxo de la barra drecha de la páxina con tolos vidios disponibles de la TPA n'asturianu, si xubís más avisái

Programación n'asturianu de la TPA

2007-08-26T11:30:00.000+01:00

LLUNES> 09:00 y 02:00(r) > Al Aldu: La risión
MARTES> 09:00 y 02:00(r) > Al Aldu: A galmiaes
MIÉRCOLES> 09:00 y 02:00(r) > Al Aldu: Recetes con cuentu
17:45 > Camín de cantares (r)
XUEVES> 09:00 y 02:00(r) > Al Aldu: Xente de casa
VIENRES> 09:00 y 02:00(r) > Al Aldu: Axenda d'Asturies
SÁBADU> 11:45 > Al Aldu: Recetes con cuentu, La risión y Xente de casa (r)
12:15 > Pieces
12:45 > Nós
13:00 > Camín de cantares

LLUNES A XUEVES> 23:45 > El Chigre (dientro de Terapia de Grupo)

Emisiones especiales TPA

2007-08-24T01:30:00.000+01:00

-Emisión: Misa n'asturianu dende Sariegu.

-Día y hora:

-Resume:

Memorial Silvino

Anunciu DVD Camín de Cantares

El Chigre

2007-08-24T01:08:00.000+01:00

-Emisión: TPA
-Horarios d'emisión: Dientro del programa 'Terapia de Grupo', a partir de les 23:30 .

-Periodicidá: Indefinida, según van grabándose capítulos.
-Direutor: -
-Presentador: -
-Collaboradores: -Actores: Pajarón, Alberto
-Productora: Zebrastur
-Resume de conteníos: El Chigre ye la primera serie de ficción fecha n'Asturies. Ta basada na vida nun chigre con distintos personaxes: Toño, Raikkonen, Petiso, Adelina, Mon, Ninoshka y El Gallego.

-Hestoria: -

-Capítulos: -

Más de 200 visites en dos díes, ¡gracies!

2007-08-23T02:43:00.000+01:00

Bones amigos, dende qu'abrimos la páxin a va dos díes tuvimos yá 220 visites d'amigos siguidores de la producción n'asturianu de la RTPA, gracies pos siguir la nuesa información. Próximamente queremos dir ampliando conteníos. Yá tán cuasti tolos programes de la TPA cola so información y dalgunos de la RPA.

Si dalguién quier collaborar adelantes.

Un saludu

Pieces

2007-08-23T02:24:00.000+01:00

-Emisión: TPA

-Horarios d'emisión: Los sábados a les 12:15 hores y tolos díes la repetición de cada espaciu p'hacia la 1 la mañana.
-Periodicidá: Selmanal.

-Direutor: Ramón Lluís Bande

-Presentador: -

-Collaboradores: -

-Productora: Ámbitu

-Resume de conteníos: Ye un programa sobre la cultura asturiana tradicional y contemporánea estructuráu en cinco seiciones fixes. Les seiciónes son: -‘Voces’: Retratu d’un intérprete de la canción asturiana o tonada nel que se repasa la so trayectoria musical mentes s’escucha una de les canciones más representatives del so repertoriu. -‘Muséu’. Sección na que personalidaes del mundu cultural asturianu seleccionen el so cuadru preferíu de la colección del Muséu de Belles Artes d’Asturies. -‘Al son’: Un grupu o músicu asturianu interpreta en directo y en versión acústica una canción del so últimu trabayu discográficu. Nesta sección represéntense tolos estilos que se practiquen anguaño nel país: folk, tonada, rock, pop, gaita o jazz, ente otros. -‘En tables’: El programa va emitir nesti apartáu la grabación d’una pequeña escena de los montaxes que tán preparando les compañíes teatrales del país. -‘Periferia’: Figures de la escena cultural asturiana recomienden una obra musical d’actualidá que s’alcuentra na ‘periferia’ de la industria del espectáculu.

-Hestoria: Anuncióse como diariu con repetición de los cinco capítulos en bloque los sábados, pero los diarios emítense n'horariu de redifusión.

-Capítulos: -

Nós

2007-08-23T02:10:00.000+01:00

-Emisión: TPA
-Horarios d'emisión: Los sábados a les 12:45 hores.

-Periodicidá: Selmanal.
-Direutor: Próspero Morán
-Presentador: Próspero Morán
-Collaboradores: -
-Productora: Zebrastur

-Resume de conteníos: Ye un programa que s’acerca a dalgunos de los aspectos cotidianos de la cultura onde la llingua asturiana tien un papel protagonista. L’espaciu trata cada selmana una seición distinta, ente les qu'hai cinco: ‘Viviendo Asturies’, onde un personaxe popular (escritor, cantante, periodista, académicu, políticu, etc.) describe’l barriu nel que vive acompañáu de los sos vecinos; ‘Nueves tecnoloxíes’, qu’aborda les nueves tecnoloxíes dende una perspectiva divulgadora onde se pon de manifiestu la utilización del asturianu tamién nel mundu virtual; 'Nes escueles’, programa va andar escueles onde los alumnos deprenden asturianu; ‘Músiques’, onde los músicos mozos cuenten cómo recuperen soníos d’antaño y 'Personaxes’, un espaciu que s'acerca a la obra d’escritores, músicos, actores, investigadores, etc. que manifiesten la so creatividá na so llingua materna. Al final del programa Morán diz la definición d'una pallabra n'asturianu.

-Hestoria: Anuncióse como diariu con repetición de los cinco capítulos en bloque los sábados y nunca llegó a emitise asina.

-Capítulos: -

Al Aldu: Axenda d'Asturies

2007-08-23T01:52:00.000+01:00

-Emisión: TPA

-Horarios d'emisión: Los vienres a les 09:00 hores y en redifusión p'hacia les 02:00 de la mañana d'esi mesmu día.

-Periodicidá: Diaria (Al Aldu), selmanal la sección 'Axenda d'Asturies'.

-Direutor: Antón García

-Presentadora: Mercedes Menéndez

-Collaboradores: -

-Productora: Ediciones Trabe

-Resume de conteníos: Repás de les actividaes d'ociu y les estrenes de cine pa la fin de selmana.

-Hestoria: Entamó como les demás secciones del programa 'Al Aldu', como microespaciu del programa 'Con 2 de azucar' y emitíase los vienres a les cuatro la tarde.

-Capítulos: -

Al Aldu: A galmiaes

2007-08-21T21:06:00.000+01:00

-Emisión: TPA
-Horarios d'emisión: Los martes a les 09:00 hores y en redifusión p'hacia les 02:00 de la mañana d'esi mesmu día.
-Periodicidá: Diaria (Al Aldu), selmanal la sección 'A galmiaes'.
-Direutor: Antón García
-Presentadora: Carlos Suari
-Collaboradores:
-Productora: Ediciones Trabe
-Resume de conteníos: Repás selmanal a los deportes n'Asturies, lo mesmo los tradicionales que'l fútbol, el baloncestu, etc.

-Hestoria: Entamó como les demás secciones del programa 'Al Aldu', como microespaciu del programa 'Con 2 de azucar' y emitíase los llunes a les cuatro la tarde cola presentación y guión de Carlos Suari, dempués foi Inaciu Galán quien sustituyó neses xeres a Suari, hasta la llegada de Begoña Quirós a la presentación con guiones d'Inaciu Galán a lo llargo del branu de 2007, pa tornar en setiembre de 2007 Suari.
-Capítulos: -

ENTAMA'L BLOGUE PA LOS SIGUIDORES DE LOS PROGRAMES DE LA RTPA N'ASTURIANU

2007-08-21T04:40:00.000+01:00

HOLA COLLACIOS

EQUÍ ENTAMA L'ANDAR DE 'RTPA N'ASTURIANU' BLOGUE ABIERTU A LA COLLABORACIÓN DE TOLOS AFICIONAOS A LOS PROGRAMES N'ASTURIANU DE LA RADIO Y LA TELEVISIÓN PÚBLIQUES ASTURIANES.

QUEREMOS DAR TOLA INFORMACIÓN DE CADA PROGRAMA Y DEXAR CONSTANCIA DE CADA PROGRAMA Y EL SO PERCORRÍU, DE LES VUESES PROPUESTES Y DE TOLO QUE QUERÁIS.

LA PÁXINA INCLÚI DELLES SECCIONES: PROGRAMES TPA, PROGRAMES RPA, PRESENTADORES, VIDIOS DE LOS PROGRAMES Y NOTICIES RELLACIONAES.

ESPERAMOS LA VUESA AYUDA.

Al Aldu: Recetes con cuentu

2007-08-21T04:01:00.000+01:00

-Emisión: TPA

-Horarios d'emisión: Los miércoles a les 09:00 hores y en redifusión p'hacia les 02:00 de la mañana d'esi mesmu día y los sábados nun bloque xunto a 'Al Aldu: La risión' y 'Al Aldu: Xende de casa' p'hacia les 12:00 hores de la mañana.

-Periodicidá: Diaria (Al Aldu), selmanal la sección 'Recetes con cuentu'.

-Direutor: Antón García

-Presentador: Milio'l del Nido

-Collaboradores: -

-Productora: Ediciones Trabe

-Resume de conteníos: Milio'l del Nido esplica una receta cenciella al mesmu tiempu que cuenta dalguna anécdota o hestoria, amás inclúi siempres una cosadiella a la que da la solución al final del programa.

-Hestoria: Entamó como les demás secciones del programa 'Al Aldu', como microespaciu del programa 'Con 2 de azucar' y emitíase los martes a les cuatro la tarde.

-Capítulos: -

Camín de cantares

2007-08-21T03:59:00.000+01:00

-Emisión: TPA
-Horarios d'emisión: Los sábados a les 13:00 y redifusión los miércoles a les 10:45 y a les 17:45.
-Periodicidá: Selmanal.
-Direutor: Ramón Lluís Bande
-Presentador: Xosé Ambás
-Collaboradores: -
-Productora: Ámbitu

-Resume de conteníos: Serie documental inspirada nel Archivu de la Tradición Oral na que Xoxé Ambás, investigador de la cultura tradicional asturiana ye conductor del espaciu y fai una entrevista en cada capítulu. El programa fai tamién un retratu de la vida de les muyeres asturianes del mundiu rural nel sieglu XX. Con elles rescata lleendes, cuentos o rellatos que cuerren peligru de desapaecer. La serie percuerre Asturies d'oriente a occidente p'amosar la diversidá y riqueza llingüística del asturianu.

-Hestoria: Entamó con cambios continuos d'horariu y siendo llíder d'audiencia a pesar d'ello, datos que siguiéron dándose en tol tiempu nel que lleva emitiéndose, onde la TPA emitió hasta dos y trés repiticiones diaries. El fenómenu del programa fizo que nel programa d'humor 'Terapia de grupo', entamaren una imitación cómica del programa con gran ésitu. La serie va editase en DVD y la TPA yé editó una 'Esbilla de la primer temporada' colo meyor de la serie.

-Capítulos: -

Al Aldu: Xente de casa

2007-08-21T03:31:00.000+01:00

-Emisión: TPA
-Horarios d'emisión: Los llunes a les 09:00 hores y en redifusión p'hacia les 02:00 de la mañana d'esi mesmu día y los sábados nun bloque xunto a 'Al Aldu: La risión' y 'Al Aldu: Recetes con cuentu' p'hacia les 12:00 hores de la mañana.
-Periodicidá: Diaria (Al Aldu), selmanal la sección 'Xente de casa'.
-Direutor: Antón García
-Presentador: Inaciu Galán y González
-Collaboradores: -
-Productora: Ediciones Trabe
-Resume de conteníos: El programa fai un percorríu peles noticies internacionales más llamatives y simpátiques, un momentu pa la información de la forma más desenfadada.
-Hestoria: Entamó como les demás secciones del programa 'Al Aldu', como microespaciu del programa 'Con 2 de azucar' y emitíase los xueves a les cuatro la tarde. Begoña Quirós sustituyó a Inaciu Galán nuna de les ediciones por vacaciones del primeru.
-Capítulos: -

Rockmería

2007-08-21T01:45:00.000+01:00

-Emisión: RPA

-Horarios d'emisión: Miércoles de 12:05 a 13:00 y en redifusión de 22:3o a 23:30 hores.
-Periodicidá: Selmanal.

-Direutor: Xune Elipe

-Presentador: Xune Elipe

-Collaboradores: -

-Productora: -
-Resume de conteníos: El programa ta dedicáu a un ampliu espectru musical, nél ufiértase una una visión a fondu de toles conexones ente les músiques d'orixe tradicional y el rock na so más amplia concepción y con especial atención a la música en llingües minorizaes.

-Hestoria:
-Capítulos: -

Al Aldu: La risión

2007-08-21T01:13:00.000+01:00

-Emisión: TPA
-Horarios d'emisión: Los llunes a les 09:00 hores y en redifusión p'hacia les 02:00 de la mañana d'esi mesmu día y los sábados nun bloque xunto a 'Al Aldu: Xente de casa' y 'Al Aldu: Recetes con cuentu' p'hacia les 12:00 hores de la mañana.

-Periodicidá: Diaria (Al aldu), selmanal la sección 'La risión'.
-Direutor: Antón García
-Productora: Trabe Ediciones
-Presentador: Lluis Antón González
-Collaboradores: -Actores: Begoña Quirós, Tante, Carlos Alba 'Cellero', Benxa Pérez -Guionistes: Inaciu Galán, Dolfo Camilo Díaz, Isaac de l'Arada, Cristina Muñiz, Benxa Pérez...

-Resume de conteníos: Monólogos modernos que falen de l'actualidá d'Asturies y del mundiu.
-Hestoria: Entamó como les demás secciones del programa 'Al Aldu', como microespaciu del programa 'Con 2 de azucar' y emitíase los martes a les cuatro la tarde.
-Capítulos:

Revoltixu nes ondes

2007-08-21T00:43:00.001+01:00

-Emisión: RPA
-Horarios d'emisión: Miércoles de 13:05 a 13:30 y en redifusión de 23:3o a 00:00 hores.

-Periodicidá: Selmanal.
-Direutora: Mari Luz Pontón
-Presentadora: Mari Luz Pontón
-Collaboradores: -
-Productora: -

-Resume de conteníos: Espaciu divulgativu y d'entretenimientu. Inclúi secciones d'entrevistes como 'Filandón' o 'Güei falamos con...' y otres como por 'Arte de Barrabiellu', apurren a los oyentes un averamientu a lo que ta dando de sí la cultura asturiana.

-Hestoria: El programa entamó a emitise nel añu 2006.

-Capítulos: -

Nomes d'Asturies

2007-08-21T00:38:00.001+01:00

-Emisión: RPA
-Horarios d'emisión: Llunes de 13:05 a 13:30 hores y en redifusión de 23:3o a 00:00 hores.
-Periodicidá: Selmanal
-Direutor: Chechu García
-Presentador: Chechu García
-Collaboradores: -Actores: Eva Vallines, Rocío Pinín, Roberto Corte, Silvino Torre, Chechu García, Azucena álvarez... -Guionistes: Azucena Álvarez, Cristina Muñiz, Inaciu Galán, Ana Belén Suárez, Carlos Suari...
-Productora: -
-Resume de conteníos: El programa percorre la hestoria d'Asturies al traviés de la dramatización con actores de la vida de personalidaes asturianes y llugares ya instituciones del país.
-Hestoria:
-Capítulos: N’ORDE D’EMISIÓN.

PROGRAMA 1 LA CATEDRAL
PROGRAMA 2 LOS ASTURES
PROGRAMA 3 MITOLOXÍA
PROGRAMA 4 LOS INDIANOS
PROGRAMA 5 PELAYO Y LA BATALLA CUADONGA
PROGRAMA 6 GONZALO PELAEZ
PROGRAMA 7 XOVELLANOS
PROGRAMA 8 MINEROS
PROGRAMA 9 MATEMÁTICU PEDRAYES
PROGRAMA 10 LA GAITA ASTURIANA
PROGRAMA 11 CIUDÁ DE XIXÓN
PROGRAMA 12 L'ADELANTÁU LA FLORIDA
PROGRAMA 13 P.PIDAL, MARQUÉS DE VILLAVICIOSA
PROGRAMA 14 LA MAR
PROGRAMA 15 MUYERES
PROGRAMA 16 ALFONSU II EL CASTU
PROGRAMA 17 FÁBRIQUES
PROGRAMA 18 ANDRÉS SOLAR, EL SURDIMIENTU
PROGRAMA 19 CIUDÁ D’AVILÉS.
PROGRAMA 20 LEOPOLDO ALAS CLARÍN.
PROGRAMA 21 CIUDÁ D’UVIÉU.
PROGRAMA 22 EL MARQUÉS DE SARGADELOS
PROGRAMA 23 PICOS D'EUROPA.
PROGRAMA 24 XOSEFA XOVELLANOS.
PROGRAMA 25 VENERANDA MANZANO
PROGRAMA 26 PACHÍN DE MELÁS.
PROGRAMA 27 DOÑA GONTRODO
PROGRAMA 28 EL XENERAL RIEGO
PROGRAMA 29 URRACA L´ASTURIANA
PROGRAMA 30 LA INQUISICIÓN. LA LLOBERA DE LLANES
PROGRAMA 31 RAMÓN PÉREZ D'AYALA
PROGRAMA 32 BEATU DE LLIÉBANA
PROGRAMA 33 XUAN MARÍA ACEBAL
PROGRAMA 34 LA PREHISTORIA ASTURIANA
PROGRAMA 35 MANUEL LLANEZA
PROGRAMA 36 EL MARQUÉS DE SANTA CRUZ
PROGRAMA 37 EL CONDE DE TORENO
PROGRAMA 38 LA CONDESA D'URXEL
PROGRAMA 39 ALFONSU III “EL MAGNU”
PROGRAMA 40 ARMANDO PALACIO VALDÉS
PROGRAMA 41 BOVES “EL LLEÓN DE LOS LLANOS”
PROGRAMA 42 ALEXANDRO CASONA
PROGRAMA 43 CARREÑO MIRANDA “PINTOR DE CORTE”
PROGRAMA 44 XOSÉ MENÉNDEZ. REI DE LA PATAGONIA
PROGRAMA 45 ESTEBAN D'ALAS. CONQUISTADOR.
PROGRAMA 46 FAUSTINA ÁLVAREZ GARCÍA